बिकास भुसाल ,कपिलवस्तु । अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियू) जिल्ला सम्मेलन आयोजक कमिटी कपिलवस्तुको आयोजना मा बृहत रक्तदान कार्यक्रम सम्पन्न भएको छ ।

आज संगठन का कपिलवस्तुका सम्पुर्ण विद्यार्थी ,विद्यार्थी नेता , समाजसेवी को उपस्थितमा रक्तदान कार्यक्रम संपन्न भएको हो ।

जिल्लाको बाडगङा नगरपालिका -४ सिद्दिपुर स्थित नेपाल रेडक्रस सोसाइटी ,उपशाखा कार्यालयमा रक्तदान कार्यक्रम सम्पन्न भएको हो ।

कार्यक्रमका प्रमुख अतिथि नेपाल कम्युनिष्ट पार्टी (नेकपा) का केन्द्रिय सदस्य तथा जिल्ला अध्यक्ष झविलाल पोख्रेलले रक्तदान जिवनदान रहेको भन्दै रक्तदानमा सरिक भईदिन सबैलाई आग्रह गरे । उहाले अनेरास्ववियू कपिलवस्तुले विगत देखिनै उदहरणिय सामाजिक मानवीय कार्य गर्दै आएको र यसलाई निरन्तरता दिने विश्वास व्यक्त गर्नृुभयो ।

त्यस्तै कार्यक्रमका विशिष्ट अतिथि अनेरास्ववियूका स्थायी कमिटि सदस्य श्याम प्रकाश प्रजापतिले रक्तदान एक महत्वपुर्ण मानवीय कार्य रहेको बताउनुभयो। उहाले रक्तदान गर्ने सबैलाई आभार प्रकट गर्नृुभयो ।

सहसंयोजक दयाराम पौडेलले रक्तादान जस्तो पवित्र कार्यमा जोडिन अनेरास्ववियूका सबै विद्यार्थीहरुलाई आह्वान गर्नृुभयो ।

कार्यक्रममा अनेरास्ववियूका केन्द्रिय सदस्य ईन्दिरा पौडेल, बुद्धभूमि नगरपालिका वडा नं-३ का वडाध्यक्ष तथा केन्द्रिय सदस्य बिकास आचार्यले रक्तदान गर्नृुभएको थिए ।

केन्द्रिय सदस्यहरु प्रदिप क्षेत्री, अनुप केशी, केशव खनाल, दिनेश चौधरी, रतन विक लगायत अनेरास्वयिवयूका विद्यार्थीहरुको उपस्थिती रहेको थियो ।
संयोजक बाबुराम अर्यालको अध्यक्षता तथा सहसंयोजक दयाराम पौडेको सञ्चालनमा कार्यक्रम सम्पन्न भएको थियो ।

रगत को अभाबमा कसैको ज्यान नजाओस भन्ने उदेश्य ले बृहत रक्तदान कार्यक्रम राखिएको अनेरास्ववियू कपिलवस्तु जिल्ला संयोजक बाबुराम अर्यालले बताउनुभयो ।

कोरोना भाईरस विरुद्धको कोभिशिल्ड खोप लगाएका व्यक्तिले रक्तदान गर्न नमिल्नेको बावजुत पनि निकै उत्साहजनक रुपमा कार्यक्रम सम्पन्न गरिएको संयोजक बाबुराम अर्याललेजानकारी दिनु भएको छ । उहाले कार्यक्रमलाई सफल पार्न सहयोग गर्ने तथा रक्तदाता सबैलाई धन्यवाद समेत व्यक्त गर्नुभयो ।