मांसाहारी आन्दोलन उठाउन जुत्ता प्रदर्शन

२०७७ फाल्गुन १० गते, सोमबार

काठमाडौं । प्रचण्ड समूहले आज राजधानीमा जुत्ता प्रदर्शन गरेको छ । आन्दोलन गर्न प्रचण्ड समूहले भरमग्दुर प्रयास गरिरहेको छ । सो समूहका पुष्पकमल दाहाल प्रचण्डले मांसाहारी आन्दोलन गर्ने घोषणा गरिसक्नुभएको छ । तर, आन्दोलन उठ्ने अलिकति पनि लक्षण देखिएन । यो अवस्थामा आन्दोलनको ‘मार्केटिङ’ गर्न प्रचण्ड समूहको विद्यार्थी संगठनले नयाँ तरिका निकालेको हो ।

सो समूहको विद्यार्थी संगठनले जुत्ता प्रदर्शन गर्ने नयाँ तरिका निकालेको छ । जुत्ता प्रदर्शन गर्न उनीहरुले छानेको ठाउँ हो– नारायणहिटी संग्रहालय अगाडि ।

यो त्यही ठाउँ हो जहाँ केपी शर्मा ओली नेतृत्वको संस्थापन नेकपाले गत माघ २३ गते विशाल आमसभा गरेको थियो । यो ठाउँमा आमसभा गरिएकाले पनि त्यही रिस फेर्न जुत्ता प्रदर्शन गरिएको विद्यार्थी नेताहरुले बताएका छन् । संयोज रञ्जित तामाङले जुत्ता प्रदर्शनमा बोल्दै नारायणहिटी अगाडि संस्थापन नेकपाले सभा गरेकोले त्यही ठाउँमा जुत्ता प्रदर्शन गरिएको बताउनुभयो ।

मांसाहारी आन्दोलन उठाउन पनि जुत्ता आन्दोलन गरिएको हो । विद्यार्थी नेताहरुले जुत्ता प्रदर्शन गर्ने मात्र नभएर साँच्चै नै हान्ने धम्की समेत दिएका छन् । रञ्जितले भन्नुभयो– ‘आवश्यक परे विरोधीलाई जुत्ता पनि हान्छौं ।’

134 Views

तीन खर्ब रुपैयाँ थुप्रियो बैंकहरुमा, ब्याजदर पनि तीन प्रतिशतभन्दा बढीले घट्यो

यस्तो देखियो काठमाडौं विश्वविद्यालयको दीक्षान्त समारोह (तस्वीरहरू)

टाइटानिकको भग्नावशेष हेर्न कति पैसा चाहिन्छ ?

राष्ट्रिय कविता महोत्सवका लागि आठ सय ९२ कविता

‘शब्दविम्बमा सत्यमोहन’ लोकार्पण

राष्ट्रिय कविता महोत्सवमा ३६ मातृभाषाका कविता

मैनालीको ‘दृष्टि : दृष्टिकोण’को विमोचन

लेफ्ट–राइट : सत्ता र शक्तिको ‘अ’राजनीतिको विमोचन

गेटामा मेडिकल कलेज कि विश्वविद्यालय ?

इन्ट्रान्स तयारी गर्न काठमाडौँ आउन खोज्दै हुनुहुन्छ ? घरमै बसेर हुनसक्छ तयारी